Kryetari i Partisë Demokratike Sali Berisha tha se PD do matet me Edi Ramën me të gjitha format e mosbindjes civile.
Ai kundërshtoi në mënyrë absolute faktin se PD do të bojkotojë zgjedhjet, ndërsa paralajmëroi se do të bëjnë gjithçka kundër atyre që i cilësoi vrasës të pluralizmit.
“Ata që mendojnë këtë përsërisin një të pavërtetë. Ne do marrim pjesë në zgjedhje, por në mënyrë absolute do i bëjmë t’iu ziejë toka nën këmbë këtyre kriminelëve të pluralizmit”, tha Berisha në emisionin “Noë” në Euronews Albania.
Më 11 shkurt, Sali Berisha ka thirrur protestën e katërt kombëtare që pasi u rikthye në drejtimin e Partisë Demokratike.
Thirrja e protestës u paralajmërua nga Berisha pak ditë më parë dhe ndërmerret si reagim ndaj çështjes së ish-agjentit të FBI, Charls Mcgonigal, ku në dosjen hetimore përmendet edhe kryeministri i Shqipërisë, Edi Rama.
