Në ditën e shtatë të përpjekjeve të shpëtimit, ekipet në terren arritën të nxjerrin në mënyrë mbresëlënëse nga rrënojat të tjerë persona.
Tolga Fakioglu, një burrë 34-vjeçar, u shpëtua në Defne në provincën Hatay pasi mbeti nën rrënoja për 155 orë që nga tërmeti i parë që goditi vendin të hënën e kaluar.
Rukiye, një grua e re 21 vjeçe, u nxor gjithashtu nga rrënojat në Adiyaman falë përpjekjeve të ekipeve të shpëtimit për ta shpëtuar pasi ajo mbeti nën rrënoja për 153 orë.
Huseyin Seferoglu, një person me aftësi të kufizuara mendore, u nxor gjithashtu nga mbeturinat në Antakya në Hatay, provincën më jugore të Turqisë. 23-vjeçari u nxor nga rrënojat 152 orë pas tërmetit.
Ismihan, një grua 85-vjeçare, u shpëtua gjithashtu në të njëjtin rajon pasi mbeti e bllokuar nën rrënoja për 152 orë.
Presidenti i El Salvadorit Nayib Bukele tha në Twitter se ekipet nga vendi shpëtuan një grua dhe një fëmijë 150 orë pas tërmetit.
Bukele tha se Melih Efe Ozcan, rreth 5 vjeç, dhe Deniz Dal, rreth 30, u shpëtuan në Kahramanmaras.
Dy motrat, Rabia Kirmizi, 22 vjeç dhe Elif Kirmizi, 28 vjeç, u shpëtuan në provincën Adiyaman pasi u bllokuan nën blloqe betoni për 152 orë.
