Zyrtarë të lartë të industrisë së mbrojtjes britanike po diskutojnë mundësinë e prodhimit të armëve dhe automjeteve të blinduara në Ukrainë nën një licencë lokale, raportoi të shtunën The Telegraph.
Disa drejtues kanë vizituar tashmë Kievin për të shqyrtuar mundësitë për ngritjen e sipërmarrjeve të përbashkëta, shkruante gazeta.
Sipas raportit, prodhuesit britanikë janë të shqetësuar se rivalët e tyre francezë dhe gjermanë mund të jenë të parët që do nënshkruajnë një marrëveshje me Kievin.
Një ekzekutiv u citua të kishte përshkruar negociatat si një garë për ta vendosur Londrën ‘në krye të radhës’. U tha gjithashtu se një marrëveshje e tillë licencimi ka të ngjarë të kërkojë miratimin e qeverisë britanike.
Kryeministri Rishi Sunak, i cili priti presidentin ukrainas Vladimir Zelensky gjatë vizitës së tij të paparalajmëruar në Britani të mërkurën, udhëzoi Ministrinë e Mbrojtjes të studiojë çështjen e furnizimit të Kievit me avionë luftarakë.
“Ne i marrim këto vendime me kujdes dhe i bëjmë me mend. Ne jemi të vetëdijshëm për rreziqet e mundshme të përshkallëzimit.” – tha zëdhënësi i Sunak këtë javë.
