Policia e Sarandës ka dhënë hollësi lidhur me shpërthimin e fuqishëm që rrënoi hotelin dykatësh mëngjesin e sotëm.
Në njoftim thuhet se hoteli dykatësh është ndërtuar në vitin 1996 dhe është në pronësi të dy personave të cilët janë në gjyq me njëri-tjetrin mbi pronësinë.
Nga shpërthimi i fuqishëm hoteli ëshë rrëzuar në tokë ndërsa ka pasur dëme të shumta material në fasadat pranë tij.
Njoftimi
“Rreth orës 05:55, në lagjen nr.1, Sarandë, në një hotel dy-katësh i ndërtuar që prej vitit 1996, në pronësi të shtetasve S. Ç., dhe E. Dh., ka shpërthyer një sasi lënde, e dyshuar eksplozive, ku si pasojë ndërtesa është rrëzuar dhe janë shkaktuar dëmtime të fasadave të objekteve në afërsi të objektit të rrëzuar. Nga shpërthimi nuk ka asnjë person të lënduar. Shërbimet e policisë kanë shkuar menjëherë në vendngjarje dhe vijojnë kontrollet në zonë për kapjen e autorit/ve. Menjëherë është ngritur një grupi i posaçëm hetimor me ekspertë më të mirë të DVP Vlorë dhe nga Departamenti i Policisë Kriminale dhe nën drejtimin e Prokurorisë vijon puna për zbardhjen e ngjarjes.Nga të dhënat paraprake rezulton se prej vitit 2002, dy bashkëpronarët janë në një proçes gjyqësor për pronësin e këtij hoteli.”
