Tregu i aksioneve të Turqisë u rimëkëmb të mërkurën pas rihapjes pas një mbylljeje njëjavore pas tërmeteve shkatërruese që goditën vendin.
Indeksi i referencës Borsa Istanbul 100 (BIST 100) u rrit me 9.8% dhe është në rrugën e duhur për rritjen e tij më të madhe që nga viti 2008, sipas të dhënave të Refinitiv. BIST 100, i cili ishte një nga performuesit më të mirë në 2022, aktualisht ka rënë rreth 10% për vitin.
Rritja e BIST 100 pason një sërë masash të shpallura nga qeveria në një përpjekje për të mbështetur tregun. Fondi sovran i pasurisë së vendit, i njohur si TVF, thuhet se do krijojë një mekanizëm për të mbështetur stoqet gjatë kohërave të paqëndrueshmërisë.
Presidenti Rexhep Tajip Erdogan tha më herët se bankat turke do ndajnë 50 miliardë lira (2.7 miliardë dollarë) nga të ardhurat e tyre të vitit 2022 për të ndihmuar përpjekjet. Kjo do t’i shtohet zotimit të qeverisë për 100 miliardë lira fillestare (5.3 miliardë dollarë), një shumë që pritet të rritet.
“Masat ka të ngjarë të ndihmojnë të paktën të ekuilibrojnë ose kufizojnë humbjet në treg,” i tha Bloomberg, Burak Cetinceker, një menaxher të ardhurash në ‘Strateji Portfoy’ në Stamboll, duke shtuar se ‘ditët e para ka të ngjarë të jenë ende të paqëndrueshme’.
Tregtimi në bursën e Stambollit u pezullua më 8 shkurt pas tërmeteve vdekjeprurëse të së hënës së shkuar.
Një tërmet me magnitudë 7.8 bëri kërdi në të gjithë Turqinë jugore dhe Sirinë veriore më 6 shkurt dhe u pasua nga shumë pasgoditje. Deri tani mbi mbi 35 mijë persona kanë humbur jetën në dy vendet ndërsa më shumë se 80 mijë persona janë lënduar.
