SHBA-ja kreu një operacion të fshehtë për të shkatërruar tubacionet e gazit Nord Stream 1 dhe 2 bazuar në dyshimet se Gjermania do t’i përmbahej një linje të ashpër ndaj Rusisë, ka pretenduar gazetari i njohur investigativ amerikan Seymour Hersh. Javën e kaluar, ai publikoi një raport duke fajësuar Uashingtonin për disa shpërthime që dëmtuan rëndë kanalet e energjisë në shtator 2022.
Në një intervistë të publikuar nga Berliner Zeitung të martën, Hersh sugjeroi që Uashingtoni vazhdoi me sabotazhin sepse konflikti në Ukrainë ‘nuk po shkonte mirë për Perëndimin’. Ai shtoi se Nord Stream 2 ‘u vu në pritje nga vetë Gjermania, jo sanksionet ndërkombëtare, dhe SHBA-ja kishte frikë se Gjermania do të hiqte sanksionet për shkak të një dimri të ftohtë’.
Sipas Hersh, bombat u vendosën në qershor 2022 gjatë stërvitjeve detare të NATO-s në Detin Baltik. “Por në minutën e fundit, Shtëpia e Bardhë u nervozua. Presidenti tha se kishte frikë ta bënte këtë. Ai ndryshoi mendje dhe lëshoi urdhra të reja për të pasur një mundësi për të shpërthyer nga distanca bombat në çdo kohë,” vuri në dukje ai.
Duke shpjeguar motivet e mundshme për sulmet, Hersh sugjeroi se disa njerëz në SHBA mendonin se operacioni do t’i jepte ekonomisë amerikane një nxitje afatgjatë, ndërsa Shtëpia e Bardhë ishte më e fokusuar në politikë.
Nord Stream 1 dhe 2, që lidhnin Rusinë dhe Gjermaninë nën Detin Baltik, u dëmtuan në një seri shpërthimesh nënujore më 26 shtator. Më 8 shkurt, Hersh, një gazetar fitues i çmimit Pulitzer, publikoi një raport duke fajësuar SHBA-në për sulmin . Shtëpia e Bardhë hodhi poshtë akuzat si ‘trillim krejtësisht të rremë’.
