Aktivisti politik miliarder George Soros tha se ai po përpiqet që gara presidenciale republikane e vitit 2024 të zbresë në një përplasje mes ish-presidentit Donald Trump dhe guvernatorit të Floridës Ron DeSantis, një betejë që ai e sheh se do çojë në kolapsin e Partisë Republikane.
“Trump është kthyer në një figurë të dhimbshme që vazhdimisht ankohet për humbjen e tij në vitin 2020”, tha të enjten majtisti me origjinë hungareze në Konferencën e Sigurisë në Mynih.
“Donatorët e mëdhenj republikanë po e braktisin atë me shumicë. DeSantis është mendjemprehtë, i pamëshirshëm dhe ambicioz. Ai ka të ngjarë të jetë kandidati republikan.”
Soros, donatori më i madh për kandidatët e Partisë Demokratike në ciklin zgjedhor të 2022, tha se një fitore e DeSantis në 2024 mund të çojë në katastrofë për republikanët.
“Kjo mund ta shtyjë Trumpin, narcisizmi i të cilit është kthyer në sëmundje, të kandidojë si një kandidat i palës së tretë. Kjo do çonte në një rrëshqitje demokratike dhe do ta detyronte Partinë Republikane të reformonte veten.”
Guvernatori i Floridës, DeSantis nuk ka hyrë zyrtarisht në garën presidenciale, por Trump tashmë ka filluar ta sulmojë, duke e quajtur atë ‘Ron DeSanctimonious’ dhe duke e akuzuar DeSantis si ‘globalist RINO’.
Trump thuhet se kërcënoi në vitin 2021 për të krijuar partinë e tij politike dhe ai la të kuptohet në dhjetor se mund të kandidojë në 2024 si një kandidat i palës së tretë nëse udhëheqësit republikanë nuk e mbështesin atë mjaftueshëm.
Siç spekuloi Soros, një kandidaturë e tillë ka të ngjarë të sigurojë fitoren për kandidatin demokrat, sepse Trump dhe kandidati republikan do përçajnë votat konservatore.
