Numri i të vdekurve nga cikloni Gabrielle në Zelandën e Re ka arritur në 11, por ende shumë njerëz nuk janë kontaktuar për gjendjen e tyre këtë javë që shkoi, sipas The Guardian
Cikloni goditi rajonin më të lartë të Ishullit të Veriut më 12 shkurt dhe gjurmoi bregun lindor, duke shkaktuar një shkatërrim të gjerë. Kryeministri, Chris Hipkins, e ka quajtur Gabrielle fatkeqësinë më të madhe natyrore të Zelandës së Re këtë shekull.
Policia tha të dielën se dy persona të tjerë kishin vdekur në zonën e goditur rëndë në Hawke’s Bay në rrethana të lidhura me ciklonin, duke e rritur numrin e të vdekurve në 11.
Më shumë se 5,600 njerëz mbetën të pa kontaktuar në të gjithë vendin, ndërsa 1,196 ishin regjistruar se ishin të sigurt, tha policia.
Autoritetet kanë thënë më parë se kanë frikë për personat që rezultojnë të zhdukur.
Ekipet e ermergjencave dhe ushtria, të shtunën hodhën furnizime me helikopter për komunitetet e bllokuara që nga cikloni, i cili përmbyti fermat, urat dhe shtëpitë.
Rreth 62,000 familje ishin pa energji në mbarë vendin të shtunën. Prej tyre, pothuajse 40,000 ishin në Gjirin e Hawke, nga një popullsi prej rreth 170,000.
