Ministri i Jashtëm në detyrë i Sllovakisë, Rastislav Kacer, është përplasur me kryeministrin hungarez Viktor Orban, duke përdorur sharje për të përshkruar ngurrimin e tij për t’u përfshirë në konfliktin e Ukrainës.
Vërejtjet sollën reagimin e zyrtarëve hungarezë, me disa që rekomanduan ministrin të kërkonte trajtim të shëndetit mendor.
Të martën, Kacer publikoi një postim të gjatë në Facebook, duke kritikuar një fjalim të fundit të Orban dhe duke pretenduar se ai është i vetmi politikan perëndimor i shqetësuar se ‘furnizimi me armë dhe mbështetja e Ukrainës vetëm e zgjat luftën’.
Javën e kaluar, gjatë fjalimit të tij vjetor drejtuar kombit, kryeministri hungarez pretendoi se duke dërguar ndihmë ushtarake në Ukrainë, vendet evropiane ‘po shkojnë në luftë’ me Rusinë.
“Gjatë fundjavës, profeti Karpate u foli atyre, hungarezëve, se si kjo nuk është lufta jonë. Është ‘vetëm një konflikt ushtarak midis dy shteteve sllave’, tha ministri, duke i përshkruar fjalët e Orbanit si ‘patetike’ dhe ‘të neveritshme’.
“Për bashkëpunëtorët e Putinit dhe…për të gjithë ata që duan paqen me çmimin e shkatërrimit të Ukrainës, unë kam vetëm një mesazh”, tha ai, duke shtuar një fyerje të pacensuruar në rusisht të përkthyer si ‘shkoni p*rdhuni’.
Duke iu përgjigjur fyerjes, Zsolt Nemeth, i cili kryeson komitetin e punëve të jashtme të Parlamentit hungarez, tha se është ‘jashtëzakonisht i shqetësuar’ për shëndetin mendor të Kacer.
“Unë ju këshilloj që të shkoni te një psikiatër shumë urgjentisht,” shtoi ai.
Ndërkohë, Tamas Menczer, Sekretari i Shtetit hungarez për Punët e Jashtme, e përshkroi Kacerin si një ‘provokator’, i cili ‘duhet të trajtohet në përputhje me rrethanat’.
