Sam Brinton, inxhinieri bërthamor jo-binar i shkarkuar nga administrata Biden pasi u akuzua për vjedhjen e valixheve nga dy aeroporte, është akuzuar për vjedhje nga një grua e tretë, madje edhe për veshjen e rrobave të saj të dizajnuara me porosi.
Stilistja e modës nga Tanzania, me qendër në Hjuston, Asya Khamsin, postoi në Twitter një pamje të ish-zyrtares së Departamentit të Energjisë, e veshur me një fustan të kuq me njollë të zezë, së bashku me një foto të saj të veshur me atë që duket të jetë e njëjta veshje të hënën, duke zbuluar se ajo kishte humbur valixhen e saj plot me porosi në një fluturim 2018 të ‘Delta Air Lines’ për në Uashington, DC dhe nuk e rikuperoi kurrë.
Në ditët në vijim, Khamsin postoi në Tëitter disa pamje të tjera të Brinton me ato që dukej të ishin rrobat e saj. Shkencëtarja madje kishte veshur bizhuteritë e saj, shkroi ajo në Twitter të enjten.
Khamsin kishte udhëtuar për në Uashington për të treguar modelet e saj të personalizuara në një ngjarje dhe u detyrua ta anulonte kur çanta u zhduk. Ndërsa ajo dhe bashkëshorti i saj paraqitën një raport policie në Departamentin e Policisë së Aeroporteve të Uashingtonit, çanta dhe hajduti nuk u gjetën kurrë.
Stilistja paraqiti një tjetër ankesë, këtë herë në Departamentin e Policisë së Hjustonit, në dhjetor, pasi e pa Brinton duke veshur atë që dukej të ishte një nga fustanet e saj në një raport lajmesh mbi vjedhjet e supozuara.
Ndërsa ajo u kontaktua muajin tjetër nga zyra e FBI-së në Minneapolis, burri i saj i tha Fox News të mërkurën se ata nuk kishin dëgjuar asgjë nga asnjëri nga autoritetet.
Brinton, po përballet me gjoba dhe rrezikon burgun në lidhje me dy vjedhje të tjera bagazhesh.
Ish-zëvendësndihmësi i Sekretarit për Karburantin dhe Depozitimin e Mbeturinave u lirua pa kusht javën e kaluar pas një seance dëgjimore në Minneapolis, ku akuzohet për vjedhjen e një valixheje me vlerë 2,325 dollarë nga karuseli i bagazheve në aeroportin ndërkombëtar të Minneapolis në shtator.
