Këtë javë një aplikacion katolik lutjesh mundi TikTok dhe aplikacionet e tjera kryesore të mediave sociale në një rritje ‘të pamundshme’ para Kreshmës.
“Hallow” – një aplikacion katolik për meditim, lutje dhe gjumë – zuri vendin e tretë në listën e aplikacioneve kryesore falas për iPhone në dyqanin Applestore, raportoi Western Journal të dielën, duke tejkaluar Google, Netflix, Spotify, Instagram e TikTok.
Sipas raportit, deri të shtunën, Halloë kishte rënë me vetëm një vend dhe u rendit i katërti, menjëherë pas TikTok, faqes kineze të blerjeve Temu dhe softuerit të redaktimit të videove Capcut.
Të dielën në mëngjes, Halloë ishte ende i fortë në top 20 më të mirat, shkruan Breitbart.
Aktori katolik Mark Wahlberg u shfaq në NBC’s Today Show të mërkurën për të folur për Hallow, si dhe rëndësinë e lutjes dhe agjërimit.
Wahlberg i tha bashkëprezantueses së Today Show Savannah Guthrie se ‘Perëndia i di gjërat nga të cilat ai dëshiron që të shkëputesh’’.
“Besimi do të thotë gjithçka për mua”, tha Wahlberg, i cili i udhëheq dëgjuesit në mësimet mbi praktikën e agjërimit si pjesë e sfidës së Kreshmës së ‘Hallow’s Pray40’, duke shtuar se ‘Perëndia nuk erdhi për të shpëtuar shenjtorët, por për të shpëtuar mëkatarët’.
Hallow është ideja e tre të diplomuarve nga Universiteti Notre Dame që nisi aplikacionin në 2018: Alex Jones (jo Alex Jones i Infoëars), Alessandro DiSanto dhe Erich Kerekes.
