Një operacion i përbashkët i SHBA-së dhe Australisë shkatërroi një rrjet ndërkombëtar droge ku u kapën 2.4 ton kokainë në bordin e një anijeje në brigjet e Amerikës së Jugut që kishte nisur për në Australi.
Kokaina, e lidhur me një kartel meksikan droge, kishte vlerën prej rreth 1 miliard dollarësh Australianë (677 milionë dollarë amerikanë) dhe ishte e barabartë me gjysmën e konsumit vjetor të vlerësuar të Australisë, duke e bërë sekuestrimin një nga më të mëdhenjtë në të cilin është përfshirë policia australiane.
Dymbëdhjetë të dyshuar janë arrestuar dhe akuzuar në këtë rast, tha policia e shtetit të Australisë Perëndimore në një deklaratë të shtunën, duke lëshuar hollësi për herë të parë të një operacioni që filloi nëntorin e kaluar kur Administrata Amerikane e Zbatimit të Drogës (DEA) përgjoi anijen.
Policia e Australisë Perëndimore e zëvendësoi ngarkesën me kokainë të rreme të paketuar në mënyrë identike dhe e hodhi atë afërsisht 40 milje detare në perëndim të kryeqytetit shtetëror Perth më 28 dhjetor.
Tre anëtarë të dyshuar të ‘krahut australian të grupit të drogës n’ me 1.2 ton kokainë të rreme u arrestuan më 30 dhjetor, pasi dyshohet se kishin bërë tre udhëtime në det të trazuar për të mbledhur pakot.
Nëntë arrestime të tjera u bënë deri më 13 janar, duke përfshirë një ndalesë trafiku në autostradën e madhe lindore, afërsisht 600 kilometra (373 milje) në lindje të kryeqytetit të shtetit Perth, ku oficerët gjetën më shumë se 2 milionë dollarë para të gatshme.
