Uashingtoni planifikon të ndalojë investimet në sektorët e teknologjisë së lartë të ekonomive rivale, raportoi të premten The Wall Street Journal, duke cituar burime dhe raporte mbi rregulloren e propozuar nga Departamenti i Thesarit dhe Tregtisë.
Kufizimet ka të ngjarë të synojnë investimet private dhe kapitale në prodhimin e gjysmëpërçuesve, inteligjencës artificiale dhe informatikës kuantike dhe do synojnë kryesisht Kinën, thanë burimet.
WSJ vëren, megjithatë, se vetë raportet nuk përmendin vende specifike që do preken nga masat ose sektorët e ekonomisë që shihen si rrezik për sigurinë kombëtare të SHBA-së. Megjithatë, ata theksojnë se fokusi do të jetë në sektorët që mund të rrisin aftësitë ushtarake të rivalëve amerikanë.
Raporti i Thesarit, për shembull, tha se rregullat e reja të investimeve të huaja do përqendrohen në ‘parandalimin e shfrytëzimit të kapitalit dhe ekspertizës amerikane në mënyra që kërcënojnë sigurinë tonë kombëtare, duke mos vënë një barrë të panevojshme për investitorët dhe bizneset amerikane’.
Uashingtoni thuhet se ka punuar për rregulloret e reja për disa muaj, me Thesarin që po shtyn që kufizimet të përqendrohen rreptësisht në rreziqet e sigurisë kombëtare.
Rregullimi i investimeve do jetë një hap tjetër në përpjekjet e SHBA-së për të ndalur përparimin teknologjik të Kinës, të cilin Uashingtoni e percepton si të rrezikshëm.
Në fund të vitit të kaluar, për shembull, administrata e Presidentit Joe Biden vendosi kontrolle të eksportit për të parandaluar Kinën të merrte teknologji të nivelit të lartë amerikan, të cilat Uashingtoni pretendon se mund të përdoret për qëllime ushtarake.
