Policia ka njoftuar se në të gjithë pikat e kalimit kufitar me Greqinë, në datën 7 mars do ketë vonesa dhe pengesa për shtetasit që udhëtojnë në drejtim të vendin fqinj dhe anasjelltas.
Përjashtim bëjnë vetëm shtetasit grekë dhe ata që kanë leje qëndrimi greke.
Shkak për këtë situatë është bërë azhurnimi i sistemit informatik të palës greke që po instalon sistemin e ri SIS.
Kufizimi do jetë nga ora 09:00 deri më 18:00.
“Njoftojmë qytetarët dhe drejtuesit e automjeteve që kanë planifikuar të udhëtojnë drejt Greqisë apo anasjelltas, se nga ora 09:00 deri në orën 18:00 të datës 07.03.2023, në pikat e kalimit kufitar në palën greke, për shkak se do të kryen punime në sistemin e përpunimit të të dhënave, me qëllim instalimin e sistemit të ri SIS, do të ketë vonesa dhe ndërprerje të herëpashershme të punës.
Nuk do të kenë pengesa për të kaluar vetëm shtetasit grekë dhe shtetasit që kanë leje qëndrimi në Greqi.
Për të mos krijuar radhë, pritje të gjata dhe konfuzion në pikat e kalimit kufitar, kërkojmë mirëkuptimin e qytetarëve dhe të drejtuesve të automjeteve që të shmangin lëvizjet drejt pikave të kalimit kufitar me Greqinë, në harkun kohor 09:00 – 18:00, të datës 07.03.2023”-thuhet në njoftimin e bërë”-njofton policia.
