A keni bërë ndonjëherë një replikë të mprehtë në WhatsApp për të vërejtur më pas një gabim shtypi të dukshëm në tekstin tuaj?
Apo ndoshta keni pasur tjetër mendim pasi më në fund keni deklaruar dashurinë tuaj të pavdekshme, ose i keni thënë shefit tuaj saktësisht se çfarë mendoni për të?
Mos u shqetësoni, një model i ri WhatsApp ju lejon të modifikoni mesazhet tuaja, pasi t’i keni dërguar ato.
Aplikacioni i shërbimit të mesazheve ka punuar për një ndryshim që do t’i lejojë përdoruesit e tij të modifikojnë mesazhet me tekst që janë dërguar tashmë.
Thuhet se do jetë i disponueshëm vetëm për 15 minuta pasi të jetë dërguar teksti. Megjithatë, specifikat se kur do dalë në treg nuk janë publikuar ende.
Redaktimi u kërkua nga miliona përdorues të WhatsApp në një përpjekje për të korrigjuar gabimet e shtypit ose mesazhet e turpshme që u dërgohen të tjerëve në bisedat personale ose mesazhet në grup.
Dhe pasi u zbulua vitin e kaluar se funksioni i kërkuar prej kohësh ishte ‘në zhvillim’, përdoruesit tani më në fund do të jenë në gjendje të përdorin butonin e redaktimit.
Veçoria u zbulua nga ekspertët e teknologjisë në WABetaInfo, të cilët gërmojnë për të zbuluar veçori të reja, shkruan Daily Mail.
Tani ka edhe më shumë shenja që veçoria është në zhvillim e sipër dhe mund të nxirret së shpejti.
Një person i brendshëm i WhatsApp zbuloi planet për platformën e mesazheve pasi postoi një pamje të rrjedhur të ekranit që tregon funksionin e redaktimit.
Ndryshimi do t’i lejojë përdoruesit e aplikacionit të bëjnë një ndryshim kur një mesazh specifik në aplikacion mbahet i shtypur.
Përdoruesit do të kenë vetëm një maksimum prej 15 minutash për të bërë ndonjë ndryshim pasi të jetë dërguar mesazhi origjinal.
Redaktimi është ende në fazat e hershme të ndërtimit, kështu që WhatsApp mund të bëjë disa rregullime të tjera në aplikacion.
