Një shëndetësi cilësore, nuk mund të bëhet pa punuar të gjithë bashkë.
Në ditët e tretë të Kongresit Shëndetësorë për herë të parë në Shqipëri, 2000 ekspertë nga e gjithë bota, pikëtuan sfidat më të cilat duhet të përballen në të ardhmen.
Në fjalën e saj, ministrja e shëndetësisë Ogerta Manastirliu vuri theksin se duhet të vijojë mbështetja ndaj përgatitjeve për reagimet efektive dhe reagimet e shpejta ndaj emergjencave shëndetësore.
“Kemi analizuar progresin e bërë në shëndetësi në këto vite, por mbetet ende shumë për të bërë për të përmirësuar treguesit shëndetësor , veçanërisht në popullatën vunerabël. Fuqizimi i kujdesit parësor do të jetë një tjetër pike ku puna jonë do të vijoj të thellohet në mbështetje të strategjisë të kujdesit parësor 2025. Ky kongres ka vendosur një platformë të re interactive komunikimi mes profesionistëve politikbërësve. Duhet të mbajmë theksin tek parandalimi dhe ndërhyrjet e shpejta në lidhje me diagnostikimin e hershëm. Do të vijojmë që të mbështesim përgatitjet për reagimet efektive dhe reagimet e shpejta ndaj emergjencave shëndetësore.”- tha ministrja e shëndetësisë Ogerta Manastirliu.
Për ministren e shëndetësisë Ogerta Manastirliu komunikimi i riskut për ruajtjen e shëndetit të pacientit dhe ofrimi i më shumë shërbimeve të digjitalizuar do të mbajnë larg njerëzit nga sëmundshmëria.
“Përmendet shumë pak po ka një rëndësi shumë të madhe komunikimi I riskut dhe fushatat ndërgjegjësuese për ruajtjen dhe kujdesin për shëndetin në komunitete. Duhen më shumë shërbime të digjitalizuara.” tha Ogerta Manastirliu, ministre e shëndetësisë.
Kongresi i parë i shëndetësisë me mbi 2000 ekspertë të fushës së mjekësisë jo vetëm të Ballkanit dhe i organizuar me 10 sessione gjithsej u fokusua më shumë te kapitali njerëzor ku për mjekët specialistë u dha lajmi që nga prilli paga e tyre do të shtohet me 50 mijë lekë të rinj.
