Një dokumentar që gjurmoi politikanin rus të opozitës Aleksei Navalny, një aktivist antikorrupsion që është një nga kritikët më të zëshëm të Presidentit Vladimir Putin, teksa u shërua në Berlin pasi u helmua, ka fituar çmimin Oscar në kategorinë për filmin më të mirë dokumentar.
Dokumentari i regjisorit kanadez Daniel Rohres dhe i prodhuar nga një ekip i formuar nga producentja e aktorja Odessa Rae, Diane Becker, Melanie Miller e Shane Boris, triumfoi në ceremoninë e 95-të të çmimeve Oscar në Hollywood më 12 mars.
Fitimi i çmimit vjen teksa Navalny po vuan dënimin me 2 vjet e gjysmë burg për shkeljen e kushteve të një lirimi me kusht, kur ai u evakuua për shkaqe mjekësore nga Siberia në gjendje koma pasi pësoi një helmim thuajse fatal në gusht 2020. Për helmimin është fajësuar inteligjenca ruse edhe pse Moska ka mohuar çdo përfshirje në ngjarje.
Regjisori kanadez ia kushtoi çmimin Navalny-t gjatë fjalës së tij teksa merrte statujën.
“Ka një person që nuk mund të ishte me ne sonte këtu, Aleksei Navalny, lideri i opozitës ruse, i cili mbetet në izolim për atë që ai e quan, dua të sigurohem që t’i kuptojmë fjalët e tij saktësisht – Lufta e padrejtë e agresionit të Putinit në Ukrainë. Alexei, bota nuk e ka harruar mesazhin tënd jetik për të gjithë ne. Ne nuk mundemi, nuk duhet të kemi frikë të kundërshtojmë diktatorët dhe autoritarizmin kudo që ai ngre kokën.” – tha regjisori me origjinë kanadeze Daniel Roher teksa merrte çmimin së bashku me gruan, djalin dhe vajzën e Navalny-t.
Navalny ka fajësuar Putinin për helmimin e tij me një substancë kimike të stilit Novichok. Kremlini ka mohuar çdo rol në helmimin e Navalny.
Washington Post raportoi se Navalny mori lajmin për fitoren e dokumentarit kushtuar atij nga avokati i tij ndërsa po merrte pjesë në një seancë gjyqësore përmes lidhjes video nga burgu ku po mbahet.
Në foto: Regjisori Daniel Roher e producentet Odessa Rae e Diane Becker
Roher bashkëpunoi me grupin hetimor Bellingcat për të treguar historinë e asaj që ndodhi pasi lideri 46-vjeçar i antikorrupsionit i mbijetoi helmimit dhe u përpoq të zbulonte se kush qëndron pas tij.
Dënimi origjinal i Navalny-t konsiderohet gjerësisht si një rast i sajuar, i motivuar politikisht. Në mars të vitit 2022, atij iu dha një dënim i veçantë nëntëvjeçar me akuza për përvetësim nëpërmjet mashtrimit që ai dhe mbështetësit e tij e kanë refuzuar vazhdimisht si të motivuar politikisht.
“Burri im është në burg vetëm pse ka thënë ërtetën. Burri im është në burg vetëm për mbrojtjen e demokracisë,” tha Yulia Navalnaya në skenë gjatë ndarjes së çmimeve.
“Aleksei, po ëndërroj ditën kur ti do të jesh i lirë dhe vendi ynë do të jetë i lirë. Qëndro i fortë dashuria ime.”
Në foto: Aleksi Navalny e një nga procedentet e dokumentarit ‘Navalny’, Odessa Rae
Një kritik i gjatë dhe kundërshtar politik i presidentit rus Vladimir Putin, Navalny, 46 vjeç, aktualisht lëngon në një burg të sigurisë maksimale rreth 120 kilometra në lindje të Moskës.
Ai u arrestua pasi u kthye në kryeqytetin rus në janar 2021, pasi kaloi pesë muaj në një spital gjerman për të trajtuar një helmim të dyshuar me agjent nervor nga inteligjenca ruse.
Navalny u dënua me dy vjet e gjysmë burg nga një gjykatë ruse për dyshimin se kishte shkelur kushtet e lirimit me kusht. Në mars 2022, ai u dënua më pas nëntë vjet për akuzat e mashtrimit.
VINI RE: Ky material është pronësi intelektuale e Politico e Rferl
