Ish-zëvendëspresidenti Mike Pence tha se arrestimi i mundshëm i ish-presidentit Donald Trump nga prokurori i qarkut të Manhatanit do ishte ‘ndjekje e motivuar politikisht’.
Në një intervistë që u transmetua të dielën në ‘This Week’ të ABC News, Pence tha se ishte ‘i befasuar nga ideja për të paditur një ish-president të Shteteve të Bashkuara, në një kohë kur ka një valë krimi në qytetin e Nju Jorkut’.
“Fakti që Prokurori i Manhattan mendon se paditja ndaj Presidentit Trump është prioriteti i tij kryesor, mendoj se…thjesht ju tregon gjithçka që duhet të dini për të majtën radikale në këtë vend.” – tha ish.zv.presidenti Pence.
“Duket si akuzë e motivuar politikisht. Unë nga ana ime, thjesht ndihem sikur nuk është ajo që populli amerikan dëshiron të shohë.” – shtoi ai.
Pence vuri në dukje çështje të tjera me të cilat përballet vendi, nga çmimet e larta për shkak të inflacionit te kriza kufitare dhe lufta në Ukrainë.
“Populli amerikan është në ankth për të ardhmen dhe ja ku po shkojmë përsëri, përsëri në një tjetër ndjekje penale të ngarkuar politikisht drejtuar ish-presidentit të Shteteve të Bashkuara dhe unë thjesht shpresoj për më të mirën.” – tha Pence.
Trump shkroi të shtunën në median e tij Truth Social se priste të arrestohej të martën nga Prokurori i Qarkut të Manhatanit, Alvin Bragg për një pagesë të supozuar prej 130,000 dollarësh për yllin porno Stormy Daniels përpara zgjedhjeve të vitit 2016 dhe u bëri thirrje mbështetësve të tij të ‘protestojnë’.
“Kandidati kryesor republikan që kryeson thellësisht & ish-presidenti i SHBA-ve do arrestohet të martën e javës së ardhshme. Protestoni, të rimarrim kombin tonë.” – shkroi Trump në mesazhin drejtuar mbështetësve të tij.
“Ata po vrasin kombin tonë ndërsa ne rrimë e shikojmë. Duhet ta shpëtojmë Amerikën! Protestë, protestë, protestë.” – tha ai në një tjetër një seri postimesh për arrestimin e mundshëm.
Jonathan Karl i ABC-së e pyeti Pence se si fjalët e përdorura nga ish-presidenti ishin të ngjashme me komentet e tij përpara se turmat e mbështetësve të sulmonin Kapitolin e SHBA-së më 6 janar 2021, në një përpjekje për të prishur zgjedhjet presidenciale të vitit 2020. Karl tha se Trump po u bën thirrje njerëzve që të ‘protestojnë kundër një procedure drejtësie’.
Pence, i cili luajti një rol qendror gjatë trazirave të 6 janarit, u përgjigj se ai beson se populli amerikan është i frustruar nga një ‘sistem drejtësie me dy nivele në vend’.
”Unë besoj se njerëzit e kuptojnë se nëse i japin zë kësaj, nëse kjo ndodh të martën, ata duhet ta bëjnë këtë në mënyrë paqësore dhe të ligjshme.” – tha Pence.
“Dhe dhuna që ndodhi në 6 janar 6, dhuna që ndodhi në qytete në të gjithë vendin në verën e vitit 2020 ishte një turp. Populli amerikan nuk do e tolerojë atë dhe ata që përfshihen në atë lloj dhune duhet të ndiqen penalisht në masën më të plotë të ligjit.” – vazhdoi ai.
Pence, që shërbente në rolin e tij si president i Senatit në vitin 2021, iu kërkua nga Trump që të kundërshtonte rezultatet e zgjedhjeve presidenciale, por zëvendëspresidenti i atëhershëm refuzoi, duke thënë se ai nuk kishte autoritetin kushtetues për ta bërë këtë.
VINI RE: Ky material është pronësi intelektuale e NY Post
