Qindra mijëra punëtorë francezë u mblodhën të enjten në një shfaqje të re zemërimi kundër reformës së pensioneve të presidentit Emmanuel Macron, me protestat që u kthyen të dhunshme në Paris dhe qytete të tjera në një betejë që nuk tregon asnjë shenjë zbutjeje, sipas France 24.
Plehrat po vazhdojnë të grumbullohen në rrugët e kryeqytetit francez dhe zemërimi i grumbulluesve të mbeturinave “nuk po tregon ende shenja të ngadalësimit”.
Ndërsa Amnesty International ka paralajmëruar se autoritetet franceze duhet të shmangin përdorimin e “forcës së panevojshme” pasi përleshjet e dhunshme shpërthyen mes protestuesve dhe policisë rreth Francës të enjten.
Studentët bllokuan dhjetëra shkolla të mesme dhe universitete në Francë në shenjë proteste kundër reformave të planifikuara të pensioneve.
Ministria e Arsimit raportoi “148 incidente” në shkollat e mesme në Francë, duke përfshirë 38 bllokada të plota, 70 bllokada filtri, 14 tentativa për bllokada dhe 26 forma të tjera përçarjeje.
Sindikata e studentëve L’Alternative tha se studentët në 80 shkolla dhe universitete po merrnin pjesë në aksione greve, me 60 të bllokuara ose të pushtuara.
Shumë protestues francezë kufizuan hyrjen në aeroportin Charles de Gaulle të Parisit dhe punëtorët bllokuan shinat e trenit në Gare de Lyon të Parisit në ditën e nëntë të grevave masive kundër reformës së diskutueshme të pensioneve të Emmanuel Macron.
Ndërsa shumë të tjerë po dalin në rrugë për herë të parë, të zemëruar nga vendimi i Macron për të prishur reformën e pensioneve duke përdorur nenin 49.3, i cili lejon qeverinë franceze të kalojë një projekt-ligj pa votim.
