Kreu i Partisë së Lirisë Meta e kandidati i opozitës për bashkinë Vorë Indrit Hoxha kanë zhvilluar mëngjesin e sotëm takime me qytetarë të Vorës.
Meta thekson se Vora pas 14 majit do ketë kryebashkiak të ri dheme Hoxhën do jetë lokomotivë e zhvillimit të vrullshëm ekonomik.
Ai shprehu bindjen se opozita do i fitojë zgjedhjet vendore pasi qytetarët në mbarë vendin e presin me padurim ndryshimin.
“Ata që falimentuan bashkinë e Vorës, në 14 Maj do të falimentojnë dhe veten e tyre. Vora me kryetarin e ri, z. Indrit Hoxha do të jetë pas 14 Majit lokomotivë e zhvillimit të vrullshëm ekonomik. Bashkë do të fitojmë në Vorë, së bashku me banorët e mrekullueshëm dhe të palodhur të kësaj zone, të cilët si kudo në të gjithë Shqipërinë po përballen me kostot e larta të jetesës dhe rënien e fuqisë blerëse. Në Vorë pritet me padurim ndryshimi, sepse banorët kanë nevojë urgjente për një Bashki funksionale dhe në shërbim të tyre. Prandaj 14 Maji ka një rëndësi madhore për të gjithë qytetarët e Vorës. T’ia rikthejmë Vorës bashkinë, t’ua rikthejmë qytetarëve dhe të rinjve shpresën për të ardhmen. Bashkë Fitojmë!” – shkruan Meta.
