Autoritetet franceze u përpoqën të enjten për të shtypur protestat kundër reformës së pensioneve të presidentit Emmanuel Macron. Mbi një milion demonstrues dolën në rrugë në të gjithë vendin në atë që disa burime të sigurisë e përshkruan si një ‘kryengritje’ kundër qeverisë në Paris.
Dhjetëra mijëra punëtorë dolën në grevë dhe protestuesit bllokuan transportin publik, shkollat dhe rafineritë e naftës.
Në përpjekje për të shpërbërë protestat, policia përdori gaz lotsjellës, makina ujëhedhëse dhe shkopinj. Videot që qarkullonin në mediat sociale tregonin oficerë të blinduar rëndë duke u përplasur me demonstruesit e paarmatosur.
Video të tjera treguan barrikada që digjen në rrugët e Parisit. Hyrja e bashkisë në Bordeaux, kryeqyteti rajonal i Nouvelle-Aquitaine, u dogj në një çast.
Të paktën një njësi e zjarrfikësve ndërroi anën dhe iu bashkua protestuesve. Shumë dëshmitarë okularë e përshkruan situatën si ‘jashtë kontrollit.
“Është luftë në Paris, nuk ka kohë për të postuar, kujdesuni për veten”, shkroi në Twitter një media e pavarur.
Pothuajse 150 oficerë policie dhe xhandarë janë plagosur, tha ministri i Brendshëm Garald Darmanin të enjten në mbrëmje, duke e quajtur këtë ‘absolutisht të papranueshme’ dhe duke kërkuar dënim të ashpër për sulmuesit.
Darmanin u tha gjithashtu gazetarëve se 172 persona u arrestuan për t’u marrë në pyetje në lidhje me ‘plaçkitjet dhe zjarrvëniet’ në Paris, dhe se 190 zjarre ishin vënë në kryeqytetin francez.
Ministri i Brendshëm fajësoi anarkistët e ‘ekstremit të majtë’ për dhunën.
Policia vlerësoi se më shumë se një milion protestues ishin në rrugë.
Shpërthimi i pakënaqësisë popullore u shkaktua nga njoftimi i presidentit Macron se mosha e daljes në pension do rritet nga 62 në 64, duke filluar nga viti i ardhshëm. Macron këmbënguli se ndryshimi ishte i nevojshëm, përndryshe sistemi i pensioneve do falimentonte brenda disa viteve të ardhshme.
Pallati Elysee vendosi ndryshimin pa u këshillar me ligjvënësit, të cilët janë përpjekur të merren me propozimin e diskutueshëm që nga janari. Protestuesit u përgjigjën duke i bërë thirrje Macron të jepte dorëheqjen.
Duke u shfaqur në televizion të mërkurën, Macron tha se gabimi i tij i vetëm ishte ‘dështimi për t’i bindur njerëzit’ për të mirat e vendimit, por këmbënguli se ai nuk do tërhiqej, edhe nëse do humbiste popullaritetin.
Megjithëse i kritikuar rëndë për shkak të bllokimeve dhe mandateve të ashpra të koronavirusit, Macron fitoi lehtësisht rizgjedhjen në vitin 2022, duke mundur përfundimisht Marine Le Pen me një diferencë prej 17 pikësh. Zgjedhjet e balotazhit panë pjesëmarrjen më të ulët që nga viti 1969.
