Një aksident ka ndodhur mëngjesin e sotëm në Durrës.
Dy automjete janë përplasur me njëri-tjetrin te mbikalimi i Plepave.
Nga aksidenti janë plagosur disa persona të cilët janë dërguar në spital për ndihmë mjekësore.
“Rreth orës 09:45, në lagjen nr. 13, Durrës, te mbikalimi i Plepave, automjeti me drejtues shtetasin Q. B, është përplasur me automjetin me drejtues shtetasin M. Sh.
Si pasojë e përplasjes është dëmtuar drejtuesi i mjetit shtetasi Q. B, dhe pasagjerët që udhëtonin në këtë automjet, shtetasja F. B, dhe shtetasi M. B, të cilët ndodhen nën kujdesin e mjekëve”-njofton policia.
