Një gjykatës federal ka vendosur që ish-zëvendëspresidenti i SHBA-së, Mike Pence, duhet të dëshmojë para një jurie të madhe rreth bisedave që ai kishte me ish-presidentin Donald Trump gjatë kohës së sulmit të 6 janarit 2021 në Kapitolin e SHBA-së, tha një burim i njohur me vendimin.
Gjykatësi tha gjithashtu se Pence ende mund të kundërshtojë t’u përgjigjet pyetjeve në lidhje me 6 janarin, tha burimi, duke shtuar se Pence mund ta apelojë vendimin. Mundësia e apelit është duke u vlerësuar, tha burimi.
Burimi, duke konfirmuar raportet nga CNN dhe NBC, tha se vendimi i gjyqtarit detyron ish-zëvendëspresidentin e Trump dhe sfiduesin e mundshëm për nominimin presidencial republikan në 2024, të paraqitet para jurisë së madhe federale, por e mbron atë nga dëshmimi rreth 6 janarit 2021.
Përpara ngjarjeve të 6 janarit, Trump kishte kritikuar vazhdimisht Pence, publikisht dhe privatisht, për kundërshtimin e përpjekjeve për të parandaluar Kongresin që të certifikonte fitoren e Biden në zgjedhjet e vitit 2020, thanë burimet e Reuters në atë kohë.
