Policia njofton se një sherr me thika ka ndodhur në një shkollë në Paskuqan ku për pasojë i plagosur ka mbetur një 15-vjeçar.
Ngjarja ndodhi në shkollën “Jashar Hoxha”, ku sipas njoftimit, nxënësi i plagosur ndodhet nën kujdesin e mjekëve.
NJOFTIMI I POLICISË:
Më datë 30.03.2023, në Paskuqan, në shkollën “Jashar Hoxha”, janë konfliktuar dy nxënës shkolle, dhe gjatë konfliktit një 15-vjeçar, dyshohet se ka goditur me mjet prerës një bashkëmoshatarin e tij, i cili si pasojë është dëmtuar dhe ndodhet nën kujdesin e mjekëve.
Autori i dyshuar është shoqëruar në komisariat për veprime të mëtejshme.
Grupi hetimor po punon për sqarimin e rrethanave të ngjarjes.
