Tërheqja e Sabah Shetës nga gara për Bashkinë e Krujës e çon në pesë numrin e kandidatëve të PD-së së Alibeajt të larguar nga gara.
Sheta tha se në vendimin e tij kanë ndikuar mesazhet e qytetarëve të Krujës për të shmangur përçarjen e demokratëve, ndërsa theksoi se nuk do bëhet pjesë e asnjë farse politike.
Para Shetës, nga gara janë tërhequr kandidati i Korçës Gjergji Gjata, i Librazhdit Bujar Vreto, i Vorës Ibrahim Bruka dhe i Kurbinit Genc Doçi.
Në mbledhjen e fundit të Kryesisë së PD-së, Alibeaj e anëtarët zyrtarizuan kandidatura në 16 bashki të vendit, ndërsa për Këshillat Bashkiakë do garohet në 61 bashkitë.
Pas tërheqjes nga gara të pesë kandidatëve, PD-ja ka ende kandidatë në 12 bashki.
Lista e kandidatëve të mbetur në garë
Tiranë-Roland Bejko
Mallakastër- Agron Kapllanaj
Patos- Pranvera Rizai
Fier -Eriselda Zotaj Çelaj
Poliçan – Florian Qamo
Kuçovë – Ilirjan Koxhaj
Kamëz – Bilbil Bajraktari
Dibër – Naim Gazidede
Dimal- Dritan Sula
Sarandë- Skënder Muço
Mirditë-Mark Ruçi
Lezhë-Sandër Marku
