Të paktën gjashtë persona kanë humbur jetën në SHBA pas tornadove që goditën pjesë të Indianës, Arkansas dhe Illinois.
Përveç humbjeve të jetëve njerëzore, stuhitë kanë lënë qindra mijëra familje në shumë shtete pa energji elektrike.
Dy viktima u konfirmuan në Sullivan County, Indiana.
Matt Ames, zyrtari policisë së Indianës që tha se shumë shtëpi ishin shkatërruar dhe disa linja elektrike kishin dalë jashtë funksionit. Ekipet e kërkim-shpëtimit po vijojnë operacionet në zonë, tha ai.
Një ‘tornado e madhe dhe shkatërruese’ goditi Little Rock dhe gjetkë në Arkansas të premten pasdite, duke u përplasur nëpër shtëpi dhe duke vrarë të paktën dy persona, thanë zyrtarët e shtetit.
Në Belvidere, Ill., një person vdiq dhe të paktën 28 u plagosën kur çatia e ‘Teatrit Apollo’ u shemb në një stuhi të premten. Një banor vendas e përshkroi skenën si një ‘katastrofë’ për ‘The Washington Post’.
Qindra mijëra banorë ishin pa energji elektrike herët të shtunën, sipas PowerOutage.us, me Indianan dhe Minesotan që raportuan ndërprerjet më të shumta.
