Presidenti i Lituanisë Gitanas Nauseda konfirmoi të mërkurën se ai ishte bashkuar me Partinë Komuniste në vitin 1988, siç raportohet nga disa media.
Ai nuk e kishte zbuluar anëtarësimin gjatë fushatës presidenciale 2019, në të cilën ai kandidoi si i pavarur.
“Menjëherë pas mbarimit të universitetit, u përballa me një ofertë për t’u bashkuar me Partinë për hir të mundësive më të mëdha të karrierës si shkencëtar. Pas një mendimi, vendosa t’i bashkohem,” tha Nauseda për agjencinë e lajmeve BNS. Ai e përshkroi vendimin si një ‘gabim rinor’.
Pranimi i Nausedës konfirmoi raportimin e gazetarit të Laisves TV, Dovidas Pancerovas, i cili kishte gjetur teserën e partisë së presidentit dhe dokumentacionin shoqërues në arkivat shtetërore.
Dokumentet treguan se Nauseda kishte aplikuar për anëtarësim në CPSU më 20 maj 1988, menjëherë pasi ai u diplomua në Universitetin e Vilnius me një diplomë në ekonomi.
Teserën e partisë e ka marrë më 27 qershor të atij viti. Në pyetësorin që Nauseda i dorëzoi Komisionit Qendror të Zgjedhjeve të Lituanisë në vitin 2018, fusha në lidhje me përkatësinë e tij politike në të kaluarën ose të tashmen ishte lënë bosh.
Duke iu përgjigjur zbulimeve të mërkurën, zyra e presidentit tha se fusha kishte qenë fakultative dhe se Nauseda nuk mori pjesë kurrë në asnjë aktivitet të CPSU pasi filloi lëvizja lituaneze për pavarësi, e njohur si Sajudis.
Sajudis u themelua më 3 qershor 1988, vetëm disa ditë pasi Nauseda kishte kërkuar anëtarësimin në CPSU – por përpara se të merrte teserën e partisë.
Pancerovas vuri në dukje se Nauseda ‘priret të shoqërohet me Sajudis’ në fjalimet e tij, megjithëse ai ishte në ‘anën e kundërt të barrikadws, të paktën zyrtarisht’, në atë kohë. Gazetari e cilësoi postimin e tij në Facebook duke thënë se vetëm anëtarësimi në CPSU nuk do të thotë se Nausedas kishte ‘zgjedhur anën tjetër’ ose se përfaqësonte një ‘njollë të pashlyeshme’.
Fakti që Nauseda zgjodhi të fshehë të kaluarën e tij mund të përfundojë shumë më keq. Ish ndihmësit e tij të fushatës, Alge Budrite dhe Aistis Zabarauskas i thanë BNS se zbulimi ishte një surprizë e plotë për ta.
“Personalisht nuk kam ditur për ndonjë anëtarësim në Partinë Komuniste”, tha Budrite.
“Mund të them sinqerisht se nëse dikush do të pyeste, isha i sigurt se askush nuk do ta fshihte qëllimisht këtë fakt.”
Paraardhësja e Nauseda-s, Dalia Grybauskaite kishte zbuluar anëtarësimin e saj në CPSU (1979-1989), si dhe Partinë Komuniste të Lituanisë të ndarë, anëtare e së cilës ajo ishte deri në vitin 1990. Ajo ishte presidentja e parë e Lituanisë që u rizgjodh për një mandat të njëpasnjëshëm dhe ishte në detyrë për një dekadë.
