Firmat më të mëdha të telekomunikacionit të Kinës po punojnë në një rrjet kabllor të telekomunikacionit nënujor që synon të sfidojë dominimin e SHBA-së në operimin e infrastrukturës globale të internetit, thanë katër persona të përfshirë në projekt për Reuters.
China Telecom, China Mobile Limited dhe China Unicom janë në fazat e planifikimit të asaj që pritet të jetë një projekt fibër optike nënujore prej 500 milionë dollarësh që lidh Azinë me Lindjen e Mesme dhe Evropën, thanë burimet.
Rrjeti i përhapur, i njohur si EMA (Evropë-Lindje e Mesme-Azi), thuhet se ka për qëllim të konkurrojë me një sistem tjetër kabllor që aktualisht është në ndërtim e sipër nga firma amerikane SubCom LLC të quajtur SeaMeWe-6 (Azia Juglindore-Lindja e Mesme-Evropa Perëndimore-6).
Firma kineze HMN Tech (ish Huawei Marine Netëorks) u zgjodh fillimisht në vitin 2020 për të prodhuar kabllon për SeaMeËe-6 nga një konsorcium që përfshinte kompanitë e telekomit kinezë që tani punojnë në EMA.
Konsorciumi shpreson të sjellë EMA në qasjen në internet deri në fund të vitit 2025, thanë burimet për Reuters.
Përparësitë e një projekti të tillë për Kinën janë të dukshme, tha një burim për Reuters – një lidhje më e shpejtë midis Kinës, Hong Kongut dhe pjesës tjetër të botës që nuk është nën kontrollin e SHBA-së, i jep Pekinit një politikë sigurimi nëse ata shkëputen nga rrjetet e kontrolluara nga SHBA.
Megjithatë, burimet e Reuters thanë se kanë frikë se plani parashikon një ndarje në rritje të infrastrukturës globale të internetit në atë që një studiues për institutin ushtarako-industrial RAND Corporation e përshkroi si ‘një internet të udhëhequr nga SHBA dhe një ekosistem interneti i udhëhequr nga Kina’.
