Arqipeshkvi Arjan Ndoj ka uruar besimtarët katolikë për festën e Pashkës ndërsa tha se shpreson që Shqipëria të mposhtë dimrin demografik që e ka prekur.
Ai tha gjithashtu se e keqja qëë ka rrethuar vendin duhet të luftohet dhe se të rinjtë që duan të krijojnë familje duhet të mbështeten.
“Shqipëria me shpresën që jep Ringjallja të kthehet në sinonim shprese. Shqipëria me ringjalljen e Krishtit të ketë forcën për të mposhtur dimrin demografik, jo vetëm për të përballur emigrimin, por edhe numrin e ulët të lindjeve.Duhet të vlerësohet merita pavarësisht statusit nga ku vijmë. Ndonjëherë mendojmë se mund të dominojmë të keqen duke reaguar me një të keqe më të madhe, por kështu kemi kontribuar për një të keqe më të madhe. Drama e shoqërisë sonë është se e keqja është bërë si diçka normale. Duhet të luftojmë të keqen që na ka rrethuar. Padrejtësia nuk bën gjë tjetër vetëm se gozhdon jetën e njerëzve të pambrojtur. Me Ringjalljen Jezu Krishti na hap dyert e shpresës. Në duelin midis jetës dhe vdekjes, jeta fiton midis forcës dhe dashurisë. Vetëm me dashuri mundet e keqja. Pashkët janë ftesa për një krijimtari të re.” – tha Imzot Arjan Ndoj.
