Ish-presidenti meksikan Jose Lopez Portillo, i cili udhëhoqi vendin nga 1976 deri në 1982, ishte një aset i Agjencisë Qendrore të Inteligjencës (CIA), sipas një grupi të ri dokumentesh të deklasifikuara të publikuara nga Arkivi Kombëtar i SHBA-së.
Midis dokumenteve, në lidhje me një hetim të CIA-s për vrasjen e Presidentit John F. Kennedy në 1963, ishte një memo nga një takim i agjentëve të CIA-s më 29 nëntor 1976.
Në diskutime, zyrtari i inteligjencës amerikane Bill Sturbitts informoi kolegët e tij se ‘Meksika së shpejti do ketë një president të ri, një njeri që ka kontrollin e Liaison për disa vite’.
Lopez Portillo nuk përmendej me emër në memorandum, por takimi u zhvillua vetëm pak ditë para se ai të merrte zyrtarisht presidencën.
Ai kishte kandiduar për postin në fillim të atij viti si kandidati i vetëm nga Partia Revolucionare Institucionale, e cila drejtoi vendin nga viti 1929 deri në vitin 2000. Lopez Portillo vdiq në vitin 2004 në moshën 83-vjeçare.
Takimi i përshkruar në memorandum iu kushtua publikimit të pritshëm në mes të dhjetorit 1976 të dokumenteve nga hetimi i CIA-s për Lee Harvey Oswald – njeriun i dënuar për vrasjen e JFK. Oswald kishte vizituar Meksikën pak para se të qëlloheshin të shtënat fatale në Dallas dhe inteligjenca amerikane më pas kreu një operacion në shkallë të gjerë vëzhgimi dhe përgjimi telefonik në vend.
Autoritetet arritën në përfundimin se veterani i marinës qëlloi presidentin nga një dritare e katit të gjashtë në një ndërtesë aty pranë, ndërsa autokolona presidenciale po kalonte. Oswald i mohoi akuzat asokohe. Ai u qëllua për vdekje dy ditë pas vrasjes së JFK ndërsa ishte në paraburgim. Vrasësi i Oswald, Jack Ruby, u dënua me vdekje, por vdiq nga kanceri në mushkëri ndërsa ishte në burg.
Sturbitts tha gjatë takimit të vitit 1976 se lideri i ri i Meksikës ‘mund të pritet që të mos shikojë me sy të mirë publikimin e asaj marrëdhënieje’ me CIA-n, sipas letrës së deklasifikuar.
Lopez Portillo është ish-presidenti i katërt meksikan i listuar si një asset i inteligjencës amerikane. Të tjerët janë Luis Echeverria, i cili ishte në detyrë midis viteve 1970 dhe 1976, Gustavo Diaz Ordaz (1964-1970) dhe Adolfo Lopez Mateos (1958-1964).
