Kandidati i koalicionit “Bashkë Fitojmë” për Bashkinë e Durrësit, Igli Cara gjatë një takimi me banorët e lagjes 13 diskutoi për problematikat që hasin ata.
Cara thotë se zona e Plazhit gjeneron më shumë të ardhura për Bashkinë por që nuk janë kthyer në investime për komunitetin.
Cara premtoi ndërtimin e një gjimnazi dhe shërbime për banorët dhe subjektet tregtare.
“Banorët e lagjes numër 13, krahas mbështetjes kanë një sërë problematikash, me të cilat përballen çdo ditë.
Plazhi është një nga zonat, që gjeneron më shumë të ardhura për Bashkinë e Durrësit, por që çuditërisht nuk kthehen në investime dhe shërbime për komunitetin.
Afrimi i sezonit veror i bën më të prekshme këto problematika, për turistët, vendas dhe të huaj, duke u shndërruar në kosto për ta.
Pas 14 Majit, qasja e Bashkisë së Durrësit do të ndryshojë!
Ndërtimi i një gjimnazi dhe shërbimet në pak minuta, për banorët dhe subjektet tregtare këtu, janë vetëm një pjesë e programit për 4-vjeçarin e ardhshëm.
Bashkë për Durrësin!
Qyteti je ti!”-shkruan Cara.
