Zëdhënësja e fushatës së Belind Këlliçit nëpërmjet një deklarate për shtyp ka publikuar një shkresë mbi shkollimin e kandidatit të opozitës për Bashkinë Tiranë.
Sipas Silvi Bardhit shkresa e shkollës “Harry Fultz” tregon se Këlliçi ka qenë nxenës ekselent dhe ka ndjekur të njëjtën praktikë për regjistrim në Universitetin në SHBA si shumë nxënës të tjerë.
Zëdhënësja theksoi se shkresa pranon që praktika e ndjekur për regjistrim në universitet ka ndodhur pas 4 viteve në gjimnaz.
Ajo thekson se aludimet për hije parregullsie me diplomimin e Këlliçit janë shpifje të krijuara nga Erion Veliaj.
Deklarata e plotë:
Veliaj shpif dhe sulmon, sepse nuk ka bilanc/ Programi i Këlliçit po sjell ndryshim.
DEKLARATË E ZËDHËNËSES SË FUSHATËS PËR BASHKINË TIRANË, SILVI BARDHI
Erjon Veliaj i cili në 8 vite la 160 mijë banorë të Tiranës, të zonës së Astirit, Liqenit të Thatë, Kodrës së Priftit, pa një çerdhe, pa një kopësht, pa një shkollë.
Erjon Veliaj që arsimin e kupton si një mundësi të mirë për tender, pasi jep për një godinë 3 herë më shumë para’ se sa Bashkimi Europian.
Erjon Veliaj që ka mbledhur 41 milionë euro nga taksa e infrastrukturës për arsimin, dhe nuk tregon se ku kanë shkuar këto para të qytetarëve të Tiranës.
Erjon Veliaj që një ambient të destinuar për shkollë ia hoqi qytetarëve të Tiranës dhe ia dha Bolinos, medias me të cilën fabrikon shpifjet e sulmet për interes të tij, medias që financohet edhe nga inceneratorët.
Ky, kryebashkiak pra, po gërmon së fundmi për shkollimin e Belind Këlliçit, dhe ka furnizuar mediat e tij me spekullime të ulëta.
Këtë komunikim po e bëjmë për qytetarët.
Kjo shkresë e Harri Fultz, tregon se Belind Këlliçi ka qënë nxënësi me mesataren 9.7 dhe nisur nga këto rezultate është zgjedhur dhe President i Këshillit Studentor ne vitin 2004.
Shkresa e shkollës, tregon se si në shumë raste të tjera, si një praktikë që e kanë ndjekur shumë nxënës për të vijuar studimet në SHBA, në Britani, apo Çeki, edhe në rastin e Belind Kelliçit, kjo ka ndodhur pas 4 viteve.
Procesi i pranimit në Universitetin shtetëror të Marylend-it, është shumë serioz.
Në Universitetin e Marylend-it, nuk ka asgjë të ngjashme me “Kinema Baldushkun” e Erjon Veliajt, dhe nuk blihet një pishë me 5 mijë euro.
Belind Kelliçi është pranuar, ka dhënë të gjitha provimet e standardizuara që kërkon procesi, ka marrë bursë, ka pasur rezultate të shkëlqyera, ka marrë 123 kredite, nga 120 që kërkon ligji atje, ka marrë medalje, është diplomuar me titullin “Summa Cum Laude” dhe është shpallur Studenti me mesataren më të lartë në diplomim.
Duke parë se njerëzit po reagojnë, se njerëzit e duan ndryshimin. Duke parë se nuk ka bilanc dhe se në 8 vite ka keqqeverisur dhe ka abuzuar me buxhetin më të madh që ka pasur ndonjëherë ndonjë bashki, Erjon Veliaj në këto kushte është gati të sulmojë edhe Shkollën “Harry Fultz”, edhe Universitetin e Marylend-it.
Asgjë nga këto nuk i shërbejnë qytetit dhe banorëve të Tiranës.
Belind Këlliçi është i vendosur në rrugën e tij që sjell ndryshimin.
Eshtë i vendosur të realizojë projektin me 5 prioritetet kyçe që sjellin zbutjen e kostos së jetesës për qytetarët e Tiranës.
