Presidenti turk Rexhep Tajip Erdogan ndërpreu papritmas një intervistë të drejtpërdrejtë televizive të martën për shkak të një dhimbjeje në stomak, për t’u kthyer 15 minuta më vonë duke kërkuar ndjesë.
Erdogan, i cili është 69 vjeç, kishte mbajtur tre fjalime të fushatës më herët gjatë ditës, përpara zgjedhjeve kritike parlamentare dhe presidenciale më 14 maj.
Erdogani ishte planifikuar ta mbyllte natën me një intervistë të përbashkët në televizionin ‘Ulke’ dhe ‘Kanal 7’. Megjithatë, shfaqja e tij u vonua me më shumë se 90 minuta dhe dhjetë minuta pas emisionit, transmetimi u ndërpre në mes të një pyetjeje. Kamera u ndërpre dhe gazetari që bënte pyetjen u ngrit nga karrigia.
Një zë i paidentifikuar mund të dëgjohej jashtë kamerës duke thënë ‘Oh uau’. Erdogan iu kthye intervistës rreth 15 minuta më vonë, duke kërkuar falje për largimin.
“Dje dhe sot ishin punë të vështira. Kjo është arsyeja pse u preka nga një grip në stomak,” shpjegoi ai. “Në një moment, mendova nëse do keqkuptohej nëse do anulonim programin. Por ne e premtuam. Kërkoj faljen tuaj dhe të qytearëve që iu ndjekin.” – shtoi Erdogan.
Fytyra e Erdoganit dukej e lodhur dhe dukej sytë i lotuan teksa fliste. Ai iu përgjigj disa pyetjeve të tjera përpara se të përfundonte transmetimin. Erdogan dhe partia e tij kanë qenë në pushtet për 20 vjet, por zgjedhjet e ardhshme përbëjnë një sfidë të rëndësishme për të.
Sondazhet tregojnë se Erdogan do ketë një përballje tejet të vështirë me kreun e opozitës Kemal Kilicdaroglu. Në përgjigje të episodit, Kilicdaroglu shkroi në Twitter: “Unë i përcjell urimet e mia më të mira zotit Erdogan.”
VINI RE: Ky material është pronësi intelektuake e The News
