Ministria ruse e Mbrojtjes konfirmoi të mërkurën se 40 pjesëtarë të shërbimit ishin kthyer nga robëria ukrainase, në këmbim të një numri të barabartë të burgosurish ukrainas. Katër ukrainas të tjerë me lëndime të rënda u kthyen gjithashtu, si një gjest humanitar.
Ushtarët rusë ‘u përballën me rrezik të madh’ në robëri, tha ushtria në një deklaratë. Ata do dërgohen në Moskë për të vazhduar trajtimin mjekësor dhe rehabilitimin e mëtejshëm në objektet ushtarake. Ata do marrin gjithashtu kujdesin e nevojshëm për shëndetin mendor.
Më herët gjatë ditës, Komiteti Hetues i Rusisë njoftoi një hetim ndaj disa shtetasve francezë që luftonin për Ukrainën, duke i akuzuar ata për vrasjen e të burgosurve rusë.
Sipas agjencisë, një nga “mercenarët francezë” publikoi një foto që tregonte tre ushtarë rusë të ekzekutuar në distancë. Moska i ka identifikuar autorët e dyshuar si anëtarë të Brigadës 92 të ushtrisë ukrainase, si dhe të Batalionit famëkeq neo-nazist Azov.
