Studioja e arkitektit japonez me famë botërore, Kengo Kuma, është shpallur fituese e Konkursit Ndërkombëtar për projektin e Qendrës së Vizitorëve në Parkun Kombëtar të Butrintit.
Ministrja e Kulturës, Elva Margariti e konsideroi hap të rëndësishëm teksa tha se ka pasur shprehje interesi nga 112 studio, por vetëm ishin 4 finaliste.
“Pas një pune të gjatë, mes debateve sot kemi emrin e studios dhe projektit për qendrën e vizitorëve të Butrintit. Kemi hedhur hap të rëndësishëm drejt rivitalizimit dhe modernizimit të Parkut Kombëtar të Butrintit duke mbyllur fazën e parë të konkursit ndërkombëtar”, tha Margariti.
Tre finalistët e tjerë që morrën pjesë ishin: Lahdelma & Mahlamäki Architects (Finlandë), Philippe PROST / AAPP (Francë) dhe Ëilliam Mattheës Associates (Mbretëria e Bashkuar).
