Sekretari i Përgjithshëm i Ligës Arabe tha se kthimi i Sirisë në organizatë është i mundur përpara samitit të saj të ardhshëm në Riad më 19 maj, sipas AA.
Duke folur për El-Sharq TV të Egjiptit të mërkurën, Aboul Gheit tha se “ekziston një kontekst ligjor specifik në Kartën e Ligës Arabe për rikthimin e Sirisë në Ligën Arabe.
“Është brenda së drejtës së një shteti ose një grupi shtetesh të kërkojë një diskutim rreth çështjes së ripranimit të Sirisë në pozicionin e saj në Ligën Arabe, veçanërisht pasi Siria nuk u përjashtua nga Lidhja, por përkundrazi iu pezullua anëtarësimi i saj.” tha ai.
Gheit shtoi se vetëm një “ngjarje e madhe” mund të çojë në vonesën e kthimit të Sirisë në Ligë, por nuk dha më shumë detaje.
Siria u pezullua nga Lidhja me 22 shtete në vitin 2011 për shkak të shtypjes së protestave nga regjimi, të cilat çuan në një luftë civile. Por disa kryeqytete arabe kanë ndrequr lidhjet me Damaskun vitet e fundit.
