Ministri Italian i Industrisë Adolfo Urso bëri thirrje të enjten për një takim krize mbi çmimet e makaronave, që janë ushqimet kryesore të preferuara të vendit, pasi ato u rritën me më shumë se dyfishi i normës kombëtare të inflacionit.
Ministria e Urso tha se kostoja e spagetit dhe prodhimeve të tjera të makaronave u rrit me 17.5% në mars, pavarësisht rënies së çmimeve të grurit.
Bisedimet e krizës do kryesohen nga një mbikëqyrës i caktuar nga qeveria për inflacionin dhe do shënojnë takimin e parë të një komiteti të ri të ngritur për të mbikëqyrur lëvizjet e pazakonta të çmimeve, tha ministria.
Autoritetet kompetente dhe shoqatat tregtare dhe të konsumatorëve do marrin pjesë në takim, shtoi ai.
Inflacioni italian u rrit edhe më shumë në prill në 8.8% nga viti në vit, i nxitur nga një rritje e re e çmimeve të energjisë, tha të martën agjencia kombëtare e statistikave ISTAT. Inflacioni ‘bazë’, neto me ushqime të freskëta dhe energji, rezultoi i qëndrueshëm në 6.8% nga viti në vit.
