Kryetari i Bashkisë Tiranë, Erion Veliaj në një intervistë për emisionin “Opinion” i ka njohur një meritë sfidantit të tij nga koalicioni më i madh opozitar i 14 majit.
Veliaj tha se e vetmja meritë që i njeh rivalit të tij, Belind Këlliçi është distancimi që i ka bërë Sali Berishës në fushatë.
Kandidati i PS-së tha se Këlliçi, ndryshe nga Basha ka mbajtur qëndrimin e tij në fushatë dhe ka marrë zyra jashtë PD për të mos përfshirë Berishën në fushatë.
“E vlerësoj se deri diku e përzënë Sali Berishën nga fushata e Tiranës deri diku. Jo si Lul Basha, i cili e përfshiu se e dinte ndikimin në Tiranë. Këtë duhet ta njoh për meritë. Fakti që mori zyrë jashtë PD, dhe fati që nuk shihet me ta”,-tha Veliaj.
