Deputeti i Partisë Demokratike, Oerd Bylykbashi në një deklaratë për shtyp foli për intimidime të qytetarëve që i drejtohen qendrave të votimit.
Demokrati tha se personat e paautorizuar nuk duhet të qëndrojnë afër qendrave të votimit, ndërsa theksoi se nëse konstatohet kjo gjë, procesi duhet të pezullohet.
“Dua që përmes këtij komunikimi, ne nuk do të tolerojmë këtë situatë. Zgjedhësit duhet të lejohen që të votojnë të lirë dhe pa u sulmuar. KQZ ndalon prezencën e çdo personi të paautorizuar në ambientet e qendrave të votimit. Nëse ndodh kjo gjë, duhet të thirret policia. Nëse maxhoranca merr vendime të paligjshme, do të duhet të ndërhyjë policia. Nuk di se sa është përqindja e pajisjeve që nuk punojnë. Nuk duhet të jetë një sistem patronazhistësh”, deklaroi Bylykbashi.
