Kryetari i Partisë Demokratike të Rithemelimit, Sali Berisha nga selia blu denoncoi kërcënimin me jetë të Salvador Kaçajt.
Berisha e quajti një krim të Edi Ramës që sipas tij kryeministri u mor personalisht me Salvador Kaçajn.
Sipas Berishës për këtë kanë edhe pamjet filmike, ku personat janë ndihmuar edhe nga policia.
“Fushata elektorale është karakterizuar nga akte dhune, terrori të papara ndaj përfaqësuesve zyrtarëve, deputetëve të koalicionit “Bashkë Fitojmë”, PD.
Ne kemi ndjekur një linjë duke regjistruar çdo akt terrori, çdo përpjekje masive për blerje të votave, deri në oferta thuhej sa euro do për votën. Por këto janë të dokumentuara dhe për këto ne kemi informuar rregullisht vëzhguesit ndërkombëtare, kemi informuar KQZ dhe organet.
Sot dola për një rast kriminal, ku Salvador Kaçi, një eksponentë i PD në Lezhë, njeri me reputacion, e kanë ndjekur dy makina pa targa ku ai ka qenë bashkë me djalin e vet dhe shoferin. Persona të maskuar, të armatosur kanë dalë nga makina dhe janë bërë gati të qëllojnë mbi ta. Shoferi i Salvadorit, një ish gardist i sporovuar ka arritur të manovrojë me makinë dhe ti bëjë të pasigurt në kryerjen e atentatit të tyre.
Ata i kanë ndjekur me armë në dorë me qëllim që ti vrisnin, por nuk kanë arritur. Të gjitha këto janë të filmuara.
Dje dhe pardje bandat e Pjerin Ndreut kanë terrorizuar, zonë pas zone rrethin e Lezhës. I kemi edhe të filmuara. I kanë bërë nën shoqërinë e policisë, e cila kalonte afër dhe nuk i thoshte asgjë, duke bërë sigurimin e banditëve. Kjo ka qenë situata në Lezhë që përfundoi në përpjekjen e eliminimit fizik të Kaçajt me djalin e tij.
Ky atentat i dështuar ndaj Kacajt është vepër e Edi Ramës dhe Pjerin Ndreut”, tha Berisha.
