PS kryeson me 18 mandate në Shkodër ku janë numëruar 133 nga 247 qendra votimi. Bashkë Fitojmë ka deri tani 13 mandate. PSD ka 12 mandate ndërsa PD ka deri tani 5 vende. Partia Lëvizja e Legalitetit, Aleanca Liberale e Djathtë, Fryma e re Demokratike kanë siguruar nga 1 mandat.
Në Fushë Arrëz është mbyllur numërimi. Partia Agrare Ambientaliste ka marrë 3 mandate, Partia Socialdemokrate ka marrë 3 mandate. PS ka marrë 2 mandate, Partia Kristian Demokrate ka marrë 2 mandate ndërsa Bashkë Fitojmë, PD, Aleanca Liberale e Djathtë, Fryma e Re Demokratike dhe PDIU kanë marrë nga një mandat.
Në Pukë, PSD kryeson me 3 mandate. Partia Socialiste e BF kanë nga 2 mandate njësoj si Aleanca Arbnore Kombëtare. PD ka marrë vetëm 1 mandat.
Ndërkohë, LZHK, Fryma e re demokratike, Aleanca Demokratike, Balli Kombëtar, Fronti i Majtë kanë fituar secila nga një mandat.
Në Malësinë e Madhe dhe Vaun e Dejës ende nuk ka nisur procesi i numërimit për këshillat bashkiakë.
