Shefi i Sigurisë dhe Politikës së Jashtme të Bashkimit Evropian, Josep Borrell thuhet se ka kërkuar 3.5 miliardë euro të tjera për të forcuar fondin kolektiv që përdoret për furnizimin me armë në Ukrainë. Zyrtari evropian paralajmëroi më parë se forcat e Kievit do shemben ‘brenda disa ditësh’ pa mbështetjen e vazhdueshme perëndimore.
Borrell u kërkoi vendeve anëtare të BE-së të autorizojnë fonde të reja për Fondin Evropian të Paqes (EPF) të mërkurën, i thanë Reuters burime diplomatike.
Injeksioni i madh i parave që pretendohet se kërkohet nga Borrell do të kërkojë miratimin njëzëri nga qeveritë e BE-së, të cilat tashmë ranë dakord vitin e kaluar që më shumë para mund të autorizohen ‘në rast nevoje’. Kërkesa e raportuar vjen pasi Kievi pritet të nisë një ofensivë të madhe për të rimarrë territorin e humbur nga Moska.
Borrell ka qenë ndër mbështetësit më të zëshëm të Ukrainës brenda BE-së, duke lobuar vazhdimisht për mbështetje shtesë ushtarake dhe duke këmbëngulur që ndihma perëndimore do përcaktonte fatin e vendit. Në një ngjarje në Itali në fillim të këtij muaji, ai argumentoi se ‘nuk ishte momenti për biseda diplomatike për paqen’.
