Ish-presidenti amerikan Donald Trump është shumë përpara të gjithë konkurrentëve të deklaruar në zgjedhjet presidenciale republikane të vitit 2024, duke përfshirë guvernatorin e Floridës Ron DeSantis, i cili ende nuk e ka shpallur zyrtarisht kandidaturën e tij.
Një sondazh i Morning Consult i publikuar të mërkurën tregoi se Trump kryeson me 61% ndërsa DeSantis ka vetëm 18% të votave paraprake. Ish-zv.presidenti i Trump, Mike Pence është në vendin e tretë të largët me 6% të votave, i ndjekur nga Nikki Haley dhe Vivek Ramaswamy me 4% secili, sipas Morning Consult.
Mesatarja e RealClearPolitics për të gjitha sondazhet kryesore tregoi Trump në 56% dhe DeSantis në 19.9%, një hendek prej 36 pikësh. Big Data gjithashtu tregoi se Biden humb ndaj Trump nëse zgjedhjet e 2024 do mbaheshin këtë muaj, me republikanin që marrin 45% të elektoratit dhe demokratët 38.1%. Në këtë sondazh, megjithatë, Biden është pothuajse katër pikë përpara DeSantis.
Në zgjedhjet e vitit 2020, të cilat Trump vazhdon t’i sfidojë edhe sot e kësaj dite, Biden fitoi zyrtarisht me shumicën e votave ndonjëherë në historinë e SHBA-së – 81 milionë – dhe fitoi Kolegjin Zgjedhor me të njëjtën ndarje siç bëri Trump në 2016-ën.
DeSantis është jashtëzakonisht popullor në Florida, duke fituar rizgjedhjet e vitit 2022 me rezultat të thellë, por sondazhet sugjerojnë se kjo nuk është përkthyer në mbështetje kombëtare. Një numër republikanësh që nuk dëshirojnë ta shohin Trump përsëri në Shtëpinë e Bardhë janë rreshtuar pas DeSantis, duke i kërkuar atij të hyjë në zgjedhjet paraprake.
