Përdoruesit në të gjithë botën humbën qasjen në Instagram të dielën në mbrëmje, pasi platforma e njohur pësoi një ndërprerje.
Shërbimi i gjurmimit në internet DownDetector mori mbi 180,000 raporte se Instagram nuk po funksiononte.
“Ne jemi të vetëdijshëm se disa njerëz kanë probleme me qasjen në Instagram”, tha zëdhënësi i Instagram.
“Ne po punojmë që gjërat të kthehen në normalitet sa më shpejt të jetë e mundur dhe kërkojmë falje për çdo shqetësim.”
Instagrami është rikthyer që atëherë në internet. Shërbimet në pronësi të asaj që tani quhet Meta Platforms pësuan ndërprerjen e tyre më të keqe globale në histori në tetor 2021, kur Facebook, Instagram dhe WhatsApp pushuan së funksionuari për disa orë.
Sipas The Verge, filialet e Metës, si Facebook dhe WhatsApp, duket se nuk janë prekur nga ndërprerja e së dielës.
