Një turiste nga Texas, SHBA është gjetur e pajetë në hostelin ku qëndronte mbrëmjen e sotme në qytetin e Shkodrës.
Sipas informacioneve nga policia, bëhet me dije se 36-vjeçarja ka humbur jetën, për shkak të një mbidoze ilaçesh.
Nga këqyrja paraprake e trupit të 36-vjeçares, nuk janë konstatuar shenja dhune.
“Rreth orës 18:00, salla operative e Drejtorisë Vendore të Policisë Shkodër ka marrë njoftim se në lagjen “Tre Heronjtë”, në hostelin ku banonte me qira, është gjetur nga nëna e saj, pa shenja jete, shtetasja A. N., 36 vjeçe, banuese në Texas, SHBA.
Në vendngjarje kanë shkuar menjëherë shërbimet e Policisë dhe grupi hetimor dhe nga këqyrja paraprake e trupit të 36-vjeçares, nuk janë konstatuar shenja dhune.
Nga veprimet e para hetimore dyshohet se shtetasja A. N. ka humbur jetën, për shkak të një mbidoze ilaçesh.
Grupi hetimor vijon punën për sqarimin e plotë të rrethanave të kësaj ngjarjeje”-njofton policia.
