Një banesë është grabitur në Lushnjë në fshatin Fier i Ri.
Denoncimi është bërë nga shtetasi A.Gj 37-vjeç i cili ka telefonuar policinë rreth mesnate.
Pronari i banesës denoncoi se persona të paidentifikuar i kishin hyrë në banesë nën kërcënimin e armës dhe i kishin marrë një shumë parash.
“Rreth orës 00:30 të datës 31.05.2023, shtetasi A. Gj., 37 vjeç, banues në fshatin Fier i Ri, Lushnjë, ka njoftuar Policinë se shtetas ende të paidentifikuar i kishin hyrë në banesë, dhe dyshohet nën kërcënimin e armës, i kishin marrë një shumë parash dhe ishin larguar.
Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj, me qëllim kapjen e autorëve.
Janë shoqëruar disa shtetas dhe vijon shoqërimi i shtetasve të tjerë të dyshuar për këtë ngjarje.
Grupi hetimor, në bashkëpunim me Prokurorinë, vijon punën për zbardhjen e rrethanave të ngjarjes dhe fiksimin e çdo prove materiale që do të çojë në identifikimin dhe kapjen e autorëve”, njofton policia.
