Organizata e Vendeve Eksportuese të Naftës (OPEC) ka refuzuar të ftojë gazetarë nga Bloomberg Neës dhe Reuters në ngjarjen e saj në Austri më vonë këtë javë, thanë të dyja mediat të mërkurën.
Sipas Reuters dhe Bloomberg, korrespondentët nga Ëall Street Journal u shpërfillën gjithashtu.
Megjithëse stafi nga tre agjencitë e medias zakonisht mbulon takimet kryesore të OPEC-ut, Bloomberg tha se këtë herë organizatorët vendosën t’u dërgojnë ftesa drejtpërdrejt gazetarëve, në krahasim me sigurimin e akreditimit për çdo gazetar që kërkon të marrë pjesë në një ngjarje.
“Ne jemi të zhgënjyer që Reuters nuk është ftuar,” tha një zëdhënës, duke shtuar se agjencia “ka kontaktuar OPEC-un për qartësi mbi këtë çështje”.
“Ne besojmë se një shtyp i lirë u shërben lexuesve, tregjeve dhe interesit publik,” shtoi zëdhënësi. Bloomberg tha se kishte kontaktuar me sekretariatin e OPEC, por nuk mori asnjë përgjigje.
Agjencitë pritet gjithsesi të dërgojnë reporterë në Austri, edhe nëse nuk mund të hyjnë në Sekretariatin e OPEC, ku ministrat takohen, sipas Financial Times (FT), e cila vuri në dukje se kishte marrë një ftesë. Gazeta shtoi se Doë Jones i ishte refuzuar gjithashtu një ftesë.
FT citoi njerëz të njohur me këtë çështje duke thënë se ministri saudit i Energjisë, Princi Abdulaziz bin Salman qëndron pas përjashtimit të organizatave të njohura të lajmeve.
Gazetarë nga media të tjera, përfshirë CNBC, si dhe agjencitë e çmimeve Argus dhe Platts, i thanë Reuters se ishin të ftuar në ngjarjen e Vjenës.
