VW ka ringjallur një nga modelet ikonë të saj, që kësaj here vjen në versionin elektrik. Bëhet fjalë për ‘ID Buzz’, një furgon elektrik i stilit retro, që tashmë është zbuluar zyrtarisht.
“I projektuar dhe i përshtatur për konsumatorin e Amerikës së Veriut”, sipas fjalëve të shefit ekzekutiv të VW të Amerikës, Paolo Di Si. ‘ID Buzz’ është krijuar për të kujtuar ‘Volkswagen T1’, ose ‘Transporter’.
Ky model ikonë u prezantua në vitin 1949 dhe njihet më mirë si ‘Microbus’, ose thjesht ‘Autobusi VW’. Në Amerikë, ai u lidh me lëvizjen Hippie, por mikrobusi gjithashtu ofronte transport për familjet e mëdha shumë kohë përpara kompanive të tjera.
‘ID Buzz’ pritet të jetë i disponueshëm në këtë treg në fund të vitit 2024. Ai do jetë me lëvizje me rrota të pasme, me fuqinë që vjen nga një motor i montuar në pjesën e pasme. Këtë herë është një motor elektrik i qetë dhe jo një motor benzine me zhurmë.
Motori elektrik është i aftë të prodhojë 282 kuaj fuqi, më shumë se 10 herë më shumë se një mikrobus i hershëm VW. ‘ID Buzz’ do të jetë gjithashtu i disponueshëm me katër rrotat active, me një total deri në 330 kuaj fuqi që vjen nga dy motorë elektrikë, një në pjesën e përparme dhe një në pjesën e pasme.
Modeli me të gjitha rrotat aktive ka një shpejtësi maksimale prej 99 milje në orë, ndërsa furgoni me rrota të pasme mund të arrijë 90 milje në orë.
‘ID Buzz’ ka dyer rrëshqitëse për të hyrë në pjesën e pasme në të dyja anët. Ai gjithashtu ka dritare të vogla hapëse elektrike të vendosura brenda dritareve të mëdha në dyert anësore.
Një derë e pasme me energji elektrike në pjesën e pasme është gjithashtu standarde. Mikrobusi klasik është bërë i preferuari në mesin e koleksionistëve. Çmimet do dalin kur të afrohet koha e hedhjes në treg, megjithatë pritet të fillojnë nga rreth 40,000 dollarë.
