Tymi nga mbi 400 zjarre që shpërthyen për ditë të tëra në provincat kanadeze të Nova Scotia, Quebec dhe Ontario ka mbuluar verilindjen e SHBA-së, duke shkaktuar alarme për cilësinë e ajrit në qytete, duke përfshirë New York, Washington, DC dhe Baltimore të mërkurën.
Nga Maryland në kryeqytetin kanadez, një re monstruoze tymi që ka dalë nga zjarret në Quebec, Kanada, ka detyruar miliona persona të qëndrojnë brenda, ka ndaluar fluturimet në qytetin e Nju Jorkut dhe ka lënë banorët në rrezik.
Më shumë se 100 milionë njerëz në SHBA-në lindore janë nën alarmet e cilësisë së ajrit të mërkurën për shkak të tymit.
Gati 100 milionë amerikanë jetojnë në zona që ishin nën alarmet e cilësisë së ajrit që nga e mërkura. Të paktën 13 shtete janë prekur. Qeveritë lokale këshilluan banorët të qëndrojnë brenda, të përdorin pastruesit e ajrit dhe të veshin maska specifike N95 nëse dalin jashtë.
Prej disa ditësh banorët e Nju Jorkut dhe pjesës tjetër verilindore të SHBA-së përballen me sfidën e panjohur të ndotjes së rëndë të ajrit.
Në mediat sociale, njerëzit ndajnë foto të skenës ‘apokaliptike’ dhe këshilla për të minimizuar rreziqet shëndetësore, shkruan CNN.
Jashtë shteteve të Bregut Perëndimor si Kalifornia që përjetojnë zjarre vjetore, këto skena janë të rralla në SHBA.
Nivelet e PM2.5 në Nju Jork arritën kulmin e së mërkurës pasdite, duke matur 303.3 mikrogramë për metër kub.
Për krahasim, udhëzimet e Organizatës Botërore të Shëndetësisë rekomandojnë një kufi të një niveli mesatar vjetor prej 5 mikrogramë për metër kub; Londra mati 9.4 mikrogramë për metër kub të mërkurën dhe Hong Kongu mati 21 mikrogramë për metër kub, të dyja në mënyrë të sigurtë brenda intervalit ‘të mirë’ të IQAir.
Fotot dhe videot e postuara në mediat sociale zbuluan një mjegull depërtuese të kuqe në kafe në ajër, duke e kthyer diellin në një pikë të kuqe, ndërsa përdoruesit u ankuan për erën e djegies.
Qytetet deri në jug të Myrtle Beach, Karolina e Jugut – më shumë se 1000 milje nga Quebec, ku u përqendruan zjarret të mërkurën, janë mbuluar me mjegull. Natën e së martës, cilësia e ajrit në qytetin e Nju Jorkut u vlerësua shkurtimisht si më e keqja në botë për shkak të tymit.
Mbi 10,000 kanadezë vetëm në Quebec u është dashur të lënë shtëpitë e tyre për shkak të zjarreve, të cilat kanë përfshirë më shumë se 2,000 kilometra katrorë të provincës, sipas kryeministrit Francois Legault.
