Forcat ruse kanë qëlluar mbi shpëtimtarët ukrainas duke u përpjekur të arrijnë zonat e përmbytura në rajonin Kherson që janë nën kontrollin rus, tha të mërkurën presidenti ukrainas Volodymyr Zelensky, sipas CNN.
Ekipet e shpëtimit po përpiqen të evakuojnë mijëra njerëz në zonën e përmbytjeve të digës së pushtuar nga Rusia dhe hidrocentralit Nova Kakhovka, i cili u shemb të martën duke dërguar rrëke uji që derdhen poshtë lumit Dnipro.
Të paktën tetë persona kanë vdekur nga përmbytjet në rajon deri më tani, sipas zyrtarëve ukrainas dhe rusë.
Zëdhënësi i Kremlinit Dmitry Peskov bëri pretendimet e tij mbi përpjekjet e shpëtimit të enjten, duke thënë në një konferencë me gazetarët se pjesët e pushtuara të rajonit Kherson janë ende nën zjarrin ukrainas ndërsa punonjësit e shpëtimit përpiqen të ndihmojnë njerëzit nga zonat e përmbytura atje.
I pyetur nëse presidenti rus Vladimir Putin po planifikonte të vizitonte komunitetet e prekura nga përmbytjet, Peskov tha se nuk kishte plane të tilla
Zelensky i bëri komentet e tij në një intervistë ekskluzive me gazetën tabloid gjerman Bild të botuar të mërkurën.
“Njerëz, kafshë kanë ngordhur. Nga çatitë e shtëpive të përmbytura, njerëzit shohin njerëz të mbytur duke notuar pranë. Ju mund ta shihni atë në anën tjetër. Është shumë e vështirë të largohen njerëzit nga pjesa e pushtuar e rajonit Kherson”, tha Zelensky.
“Kur forcat tona përpiqen t’i nxjerrin ata [banorët], ata qëllohen nga pushtuesit nga distanca,” tha Zelensky për Bild. “Sapo ndihmësit tanë përpiqen t’i shpëtojnë, ata qëllohen me armë. Ne nuk do të jemi në gjendje t’i shohim të gjitha pasojat deri në disa ditë nga tani, kur uji të ketë rrjedhur pak.
Përpjekjet për evakuim vijnë pasi forcat ukrainase kanë pësuar “rezistencë të fortë” dhe humbje në ushtarë dhe pajisje në përpjekjen e tyre të parë për të shkelur linjat ruse në lindje të vendit ditët e fundit, i thanë CNN dy zyrtarë të lartë amerikanë.
